Geroz eta gertuago dira "Saninaziyo herrikoiek"

Herritarrek herritarrentzat antolaturiko jaien aldeko filosofiari eutsiz, aurten ere aurreko urteetan arrakasta izan duten ekimenak ez dira faltako eta horiez gain berriak gehitzeko saiakera ere egin dute.

Oharra:

Azpeitiko Festa Herrikoien Batzordea, hasia da aurtengo Saninaziyuek prestatzen. Izango da lana eta zertaz gozatua aurten ere! Festak herritarrek antolatuak eta herritarrentzat izan daitezen ahalegina egingo da beste behin, ilusioa eta lanerako grina, horiek izango dira osagaiak eta antolakuntzarekin osagarrituz... sekulako jaiak izango dira emaitza!



Bada ordea kezkatzen gaituen elementurik. Hauen artean, hiru azpimarratuko genituzke:

  • Udaletxeko Festa Batzordea edo Mahaia, guztiz desitxuratu dutela. Ez du erabakitze ahalmenik eta ez dago herritarrak bertara eramateko borondaterik ere. Finean, badirudi mahai hau usteltzea dela batzuen helburua.
  • Bi ereduren harteko talkak bere horretan dirau, egitarau bateratua deitzen diogun hori, errealitate izatetik hurrun dabil. Festa Herrikoien Batzordea bere egitaraua osatzen saiatzen den bitartean, Udalak, nahi duena antolatzeaz gain, besteen egitarauan muturra sartzen jarraitzen du, hau baldintzatzen saiatuz.
  • Bestalde, aurten ere, Abuztuaren batean Eusko Jaurlaritzako gonbidatuak izango ditugu. Aurreko urteko aurrekariak ikusita, Festa Batzordera gerturatutakoek behin eta berriz neurriak hartzea eskatu arren, Udalak burugogor jarraitzen du.

Festa herrikoien historia, oztopoz beterik dago eta gaur egun ere, dinamika hau zangopilatzea da batzuen kezka. Baina jai dute! Orain arte bezala, festa herrikoiak indartzen jarraituko da! Olatu bat, marea bat... tsunami arroxa bat ikusi ahal izango da aurtengo jaietan! Festa herrikoi, parte hartzaile, euskaldun eta parekideetara bidean, geldiezina izango den tsunamia!

Festatan atea zaparraie!

partekatu:

Izarapeko aholkuak

maitemindu egin naiz baina berak neskka du,urteak dira ezagutzen ginela eta orain konturatu naiz maiteminduta nagoela, kontua da nire sentimenduei uko egiteko erabakia hartu dudala azken finean berak neska maite du eta ez dut minik egin nahi. zuek kasu honetan zer egingoo zenukete? (sentimenduei uko eginez)

Erantzunak (3)

Twitter

Valid CSS!